Cerita Lucu Lawak Batak Tentang Pandita

Cerita lucu berikut ini merupakan sebuah humor lawak Batak tentang kegiatan pandita (pendeta). Semoga saja cerita lucu ini dapat membuat para pembaca dan penggemar lawak Batak tertawa. Inilah cerita lucu Lawak Batak tentang Pandita.

Cerita lucu pendeta

Nunga lunas dibayar Jesus
Disada tikki sahalak pandita mambonceng inantana naek kareta na di kredit dope naeng mandohoti sada ulaon. Ditonga dalan madabu ma halaki sian kareta dibaen landit dalan.

Alai dinamadabu i halaki, pintor kareta do di angkat panditai. Gabe muruk ma antong inantani pandita i.
"Pandita aha do songon ho!! Tarhona do kareta di angkat ho au dang di togu ho."
Dungi dialusi pandita i ma.
"Ee.. inang, ho kan nunga lunas di tobus Jesus molo kareta on kredit dope."

Baca Juga: Cerita Lucu Ompung Emosi Makan Di Restoran

Jamita ni pandita taringot tondi parbadia
Adong sahalak pandita namambaen jabuna gabe inganan parmingguon. Jala marloteng do jabuni panditai. Andorang so marjamita ditonahon panditai ma tu anakna na marumur 5 taon asa naek tuloteng paluahon pidong darapati molo martangiang ibana mandok 'songgop ma tondi parbadia songon pidong darapati' asa porsea ruas nai.

Jadi marjamita ma pandita i, diujungni tangiangna didok pandita i ma
"songgop ma tondi parbadia songon pidong darapati"
Alai dang dipalua anak nai dope pidong darapati i.
"songgop ma tondi parbadia songon pidong darapati'" diulangi panditai sampe tolu hali alai dang marna kaluar pidong darapati i.

Pa opat halihon, habegean ma soara sian loteng.
"Bapa.. nunga diallang huting be tondi parbadia."

Lawak Batak Jamita Taringot Hamatean
Ditikki marjamita taringot hamatean dohot panguhuman naparpudi Semangat hian sahalak Pandita mandok
 "Sude ruas ni gereja on ikkon mate jala di uhumi di panguhuman naparpudi i". Dibereng pandita i tu toru tu arah bangku jolo adong sahalak ama na senyum-senyum.

Tamba gogo diulahi panditai muse mandok
"Nasa ruas ni gereja on ikkon mate jala diuhumi di panguhuman naparpudi". Mangangguk-angguk amanta na dijolo i jala tamba lebar senyumna.

Gabe hancit ma rohani pandita i, Didok ibana ma muse lebih gogo
 "Sude ruas ni gereja on ikkon mate jala diuhumi di ari parpudi". Nangpe sude bohi ni jolma di gereja i murhing alai anggo amanta na hundul dijolo i sai senyum.

Ujung-ujungna turun ma pandita i sian mimbar, jongjong ma ibana di joloni amanta i huhut didok gogo
 "Hudok sude ruas ni gereja on ikkon mate jala diuhumi di panguhuman na parpudi". Justru gabe lebar hian senyum ni amantai.

Dung sae parmingguon di dapothon pandita i ma amanta na hundul dijolo nakkin.
"Dang huantusi" inna pandita i.
"Tikki hudok sude ruas ni gereja on ikkon mate, Hamu justru gabe senyum." Inna pandita i muse.
"Alana au dang ruas ni gereja on" inna amanta i mangalusi.

Pandita Lupa Daftar Sitangianghonon
Dipangido ma sahalak pandita ressort naung agak matua mamboan tangiang pangidoan dohot akka harapan ni saluhut ruas di taon naimbaru ditikki parpunguan ujung taon. Jala andorang so dimulai acara, nunga dipasahat akka daftar sitangianghonon.

Alani terburu-buru gabe lupa ma pandita i mamboan daftar tangiang sinangkin tikki tujolo naeng mamboan tangiang, jadi ninna ma
"Ale Tuhan Debata. Diboto hami do takkas situtu diboto Ho akka haporluan dohot pangidoan ni ruasMon. Marpanaili ma Ho jala pasautma saluhut daftar naung binaen nami. Amen."

Songoni majo daftar cerita lucu manang lawak Batak taringot tu pandita. Sai anggiatma humor tentang pandita manang pendeta on boi menghibur.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :