Kumpulan Puisi Bahasa Batak

Puisi bahasa batak

Menulis sebuah puisi dalam bahasa Batak sama saja seperti membuat puisi pada umumnya. Bedanya hanya penulisannya menggunakan bahasa Batak. Memang dalam menulis puisi berbahasa Batak sedikit lebih sulit untuk memilih diksi yang harus dipakai.

Semuanya itu hanya faktor kebiasaan saja. Jika sudah terbiasa berbicara dalam bahasa Batak tentu mudah saja merangkai kata menjadi sebuah puisi.

Agar sebuah puisi menjadi indah dan penuh makna maka seorang penulis perlu juga untuk menerapkan aturan penulisan puisi yang baik pada setiap puisi yang dibuatnya.

Lihat Juga Kumpulan Kata Gombal Dalam Bahasa Batak

Jika kamu ingin menulis sebuah puisi bahasa Batak, penting untuk menentukan tema dari puisi itu, misalnya puisi romantis, tentang cinta, kehidupan, motivasi dan lain sebagainya. Berikut ini kumpulan contoh puisi dalam bahasa Batak:

INONGKU NA BURJU

Na Hancit i do nian di ho inong digolu on
Hape so adong be damang Parsinuan i
Alai inang humassit do di ahu
Anak sasadamon paidaida ho
Nasai tariluilu sasada ho inong
Na marmudumuduhon ahu sian ma menek
Sahat tu namagodang ahu.

So salpu ganup borngin da inong
Ia so jumolo sai tumatangis ho dilage podoman i.
Tung so hasuhatan be inang ilumi na dilage Podomanmi nasai Maraburan
Manangiangkon ahu anakmon

Pos ma roham inang di ahu anak na so maramaon, tung na so lupa ahu disi panghophopmi.
Inang Pangittubu inang da na burju
Sai huuari do inang di bagasan rohangku
Pogos manang mamora ingkon pasangaponku ho.

Ganjang ma umurmi inang paihutihut ahu
Tudia pe ahu lao na ingkon do boanonku ho
Inang pangittubu inongku na burju
Panghophopmi di ahu na ingkon ingotonku ho.
---
Ale angka dongan, adong do na so tarbege ni sipareonta ia andung ni dainang i tarhatahonsa songon doras ni iluna i tu hita angka ianakhonna. Alani binsan mangolu unang halupahon dainang nang damang pangintubu i di roham nang di tangiangmu.

DI HUTA SAMOSIR DO HAGODANGANHU

Ia huta hagodanganmuna di dia do angka dongan?

Di huta on do ahu mangodang,
djala di tano nabirong on do pusokhu ditanom
Bereng ma i, godang bona ni bulu marhaliong,
mangondingi angka bagas, asa nok hami modom

Di pansur on do ahu ganup ari maridi,
Asa ias pamatanghi laho singkola,
Ias muse marsiajar di gareja
Bereng ma i, godang turpuk bona ni siala nang angka raru
Asa linggom mualna i sian mata ni ari, jala godang ure aeknai tung so maradi.

Di harangan on do ahu jotjot manangke hau,
mamola gabe soban
Asa margara tataring mangalompa indahan,
adong muse peakhonon di para-para, unang lola molo ro udan.

Bereng ma i, adong sopo parbornginan,
Molo marparbue honas, marjaga disi unang ditabunihon angka dongan
Nangkok ma saotiknai tu son,
Sian dolok on, hutatap ma tu toruan
Ima ingananhu ditubuhon, pusokhu ditanomhon,
pamatang nang rohangku dipagodang

Taingot be Bona Pasongitha angka dongan, unang lupa hita disi.
Na sai joujou i mangido mulak hita sian Tano Pangarantoan i.
Tatap ma na tung mansai masihol dihoronta be. Tano Batak Nauli Huta Hagodanganki.

Puisi Batak RIGAT NI HOLONG

Huenet torsaon sian sada ina,
Di ingot ho do pe na manangho jagung hita nadua ito.
Ndang dao sian hauma i, rampak manutung jagung hita nadua uju i.
Tung las dope jagung i sian garai,
alai dipangali ho do asa lehononmu tu ahu parjolo.

Disi ma tubu holonghu tu ho,
naboi do ho hape gabe parlinggoman di ahu,
gabe among ni gellengta on haduan molo dung sorang tuportibi on.

Diparborhatmi tu luat nadao i,
martading hata do ho alaponmu ahu
molo dung dapotmu pardaraman dalan ningolu di kalimantan.

Leleng do ahu sai paimahon ho hape tunas nasinuanmi, nunga lam magodang.
Maila ahu ito sotung tarboto tu damang dohot dainang,
Huoloi do hatani damangi tu anakni namboruhi, asa unang jea dohot agong baenonhu tubohi ni damang i.
Ndang sadia leleng ro ma ho mangalului ahu,
roma ho manjalahi ahu dung tubu holonghu tu anak ninamboruhi.
Ndang tarpabunihon ahu ito holong hi tu ho.

Husadari holong dope rohanghu tu ho,
ho pe holong do pe roham tu ahu.
Ndang sadia leleng dibaen ho do namambaen sogoni rohangki.
Mangoli do ho ito tu boruni na mora dihutai, boru nauli sigomak hepeng dihutai.

Rodo ahu ito di pestami, jala huida do ho rap hundul jala manortor dipoguni alamani.
Hujalang do tanganmi, jala tung gomos do paniop ni tanganmi tu ahu.
Laos so dipardulihon ho siboru na di hambirangmi.

Alai ndang sadia leleng parrumah tanggahonhu.
Nunga gabe holan nahatsit hujalo pambaenan ni anak ninamboruhu.
Ganup ari holan ilu do naboi tarpapuas ahu.
Nunga mangoli muse sianak ninamboru hi, laho maporus maninggalhon ahu.
--
Manatmanat hita mardongan, ai anak ni raja do hita jala boru ni raja, arga tabahen i na pinungka Ompungta Sijolojolo tubu.

UNANG MARBADAI HITA NA MARANGGI IBOTO

Nunga mangkuling silonging di bot ni ari on,
Sian bona ni hapeaan do soarana manjou holom.
Mulak amang parjolo
Ninna dainang tu ahu Togihon anggimi

Dung sahat di jabu lompa indahanta da amang,
Ndang pola tutungonmu gambas i amang
Adong dope lobilobitta sinaarian i
Inongmon pe annon mamboan

Huboto do loja ni dainang nang damangkon
Tung pe ari nunga holom
Ingkon udutonna bogasna martue i
Saotik na i eme di topian i
Gabe lungun rohangku disi

Ai tung holong natuatua on
Hape ia hami ianakhonna sai namarbadai
Huompa anggiku siampudan i
Nunga modom ibana nangkin
Gabe nanget huampehon di tanggurungki sotung hehe ibana

Gabe tangis musenghon
Hutogihon ma ibotongki
Dipudingku ibotongki mangihuthon
Tubu di rohangku panolsolion
Pabijalhu do ahu tahe tu ibotongkon
Hu paso ma simanjojangku mangalangka
Ibana pe so ndang marhata

Ito dibereng hita do loja ni damang nang dainang i
Unang be sai marbadai hita da
Gabe susa annon roha nasida mida hita
Olo ito da?
Sip do nian ibotongki
Alai ditiop ma tanganku momos
Huhut manetek iluna jala dihaol ma ahu.
---
Angka hita na maranggimariboto i, burjuburju ma hita, ingot angka poda ni natuatua, nang di angka tona na. Ingot ma i, ai ido hangoluanmu.

Kumpulan puisi bahasa Batak diatas, saya dapatkan dari teman saya N. Siregar. Jadi disini saya hanya membagikan puisi yang ditulis olehnya, tentu saja saya sudah meminta izin lebih dulu. Jika kamu ingin karya kamu dimuat juga di blog ini, boleh menghubungi saya dengan Klik disini atau melalui media sosial.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :