Koleksi Humor Lucu Bahasa Batak

Horas, kembali lagi saya menulis beberapa koleksi humor lucu bahasa batak untuk menambah koleksi cerita yang sebelumnya sudah ada di blog ini.

Obat Tidur
Adong sahalak pasien na marubat tu dokter ala dang boi modom.

"Dok, lean jo di au obat tidur, nunga tolu ari on dang boi au modom." Inna pasienn on paboa keluhanna.
"Oh... nion ma ubatna, molo na merah on di inum ho marnipi jumpang dohot si Judika Sihotang."
"Woww..." takjub pasien i.
"Molo na bontar on di inumho marnipi jumpang dohot si Choky Sitohang."
"Woww.." tambah takjub ibana.
"Molo na balau on di inumho  marnipi jumpang tusi Viky Sianipar"
"Jadi molo sahali tolu huinum boha?"
"Pajumpang ma annon ho tu si Nahum Situmorang."

Mangalangkai Bangke
Disada huta adong ma sahalak ama-ama na baru monding inantana.Biasa do molo di huta marroan be akka dongan sahuta lao manukkir.Di jolo ni angka manukkir i, di langkai amantai bangke ni inantanai.

"Ai aha doi, tokka do songoni..." inna sahalak dongan sahutanai menegor.
Nga mulai gaor be antong alani amantai.
"Boasa sai langkaan muna bangke amang?" Inna pangulani huria muse.
Pintor dialusi amantai ma antong.
"Ai tona ni inanta on do hu ulahon, andorang so mate didok tu au molo naeng mangoli muse ho jolo langkai jo bangkeku."

Keluarga Romantis
Adong di hutakon  sada keluarga na guru karejoni inantana.Jala adong do mobil ni halakon maklumma parkarejo halaki nadua, gellengna SD ma napaling balga.

Asal naeng mangajar tu sikkola sai ditaruhon amantai do marmobil inantana.Jot-jot do hebereng manogot nai ala dilambungni parsikkolaan jabu nami.

Alai adong sada na janggal huhilala, Asal sahat tu parsikkolaan sai amantai do parjolo turun mambuka pintuni inantai.Ai romantis ma halakon inna rohakku.

Disada tikki pura-pura lewat ma au pagi-pagi sian lambungni halaki, husukkun ma inantanai.

"Romantis hian hamu hubereng ibu, nunga sadia leleng hamu marrumah tangga?"

"Ehee... toema ito, nunga 10 taon."

"Jadi saleleng 10 taon on sai bapak i do namambukka pintu mobil asal naeng turun ibu?"

"Daong, Baru na 4 bulan on dope?"

"Boasa baru 4 bulan?" Gabe penasaran au.

"Ai baru na 4 bulan on dope sega pintuni mobil nami on dang boi di buka sian bagasan."

Ulakni Hepeng

Disada tikki mangallang mie gomak ma si Ucok, dung sae  mangan naeng mambayar ma ibana.

"Sadia inang mie gomak on?"
"10 ribu."

Dileon ibana ma hepeng arga 20 ribu lao mambayar tu inantai.

"Margulu-gulu tanganku nei, buat hamu sandiri ma jo ulakna dibagas." Inna parmie i sambil manudu tu belahan andorana.

Didadap si Ucok ma antong.

"Ai so adong hepeng"
"Dadap ma tu bagas, torus, torus, tu kanan, tukiri."
"Dang adong."
"Ngamai..."
"Jadi ulakni hepengki dia do?"
"Sebagai uang dadap mai, Ai dirimpu ho do haroa na gratis-gratis mandadap? Tabo maho."

Supir Taksi Mangallang Kacang

Disada kota adong tolu halak oppung boru lao manuhor baju tu Mall.Sae balanja di stop halaki taksi lao dalanna mulak, hundul dipudi ma halak oppungi.

Dung mardalan taksi i mulai habegean suarani palastik sambil mangallangi do antong halaki dipudi.Hira-hira 10 menit sahalak sian oppungi menawarhon siallangon tu supirni halaki.

"Dihodo kaccang ito?"

"Diau oppung" inna supir i.Dijulurhon tanganna tupudi, alai dang pola dibereng ala fokus tudalan ibana.Pintor diallang ma kaccang naung gok ditanganna.

Selang piga menit nai muse.
"Diho dope?"
"Diau dope bah, songonna tabodo dang pola accim."

Sambil mamboan mobil diallangi supir i ma kaccang i.
"Naso diallang halak oppung do kaccang?" Sukkun-sukkun supir i.

"Ehee toema amang songoni nama hami namatua on dang tarhilhil hami be kaccang holan coklat nai nama na boi dioncopi hami."

Itulah beberapa koleksi cerita lucu kali ini, mohon maaf jika ada kata yang kurang berkenan.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :