Koleksi Humor Singkat Bahasa Batak

Humor singkat Batak

Tak bisa dipungkiri orang jaman sekarang ingin yang instan-instan saja, bahkan saat membaca sesuatu pasti ingin langsung to the point karena malas baca panjang lebar, untuk itu saya coba membuat koleksi humor singkat dan lucu dipostingan kali ini.Langsung saja kita ke ceritanya

Pengaruh PILKADA

Panghataion dikamar.
"Nga piga ari hita dang hea tempur be ateh, songon naso adong be hubege suara-suara desahanmu."
"Pengaruhni PILKADA i doi pah."
"bah... aha hubungan ni."
"Adong hepeng adong suara pah."

Marga Situmorang & Sipangkar

Adong dua halak batak pajumpang di pangarantoan, terjadima pangkataion di nasida.

Si A: Halak hita do lae?"

Si B:"I do bah lae."

Dungi marsi jalangan ma halaki.

Si A:"Marga aha lae?"

Si B:"SITUmorang lae..." dialusi denggan.

Si A:"namarhaha anggi do hape hamu tu SITUmalas ate lae hehehe" margait.

Si B:"Heheh hamu nian lae, Jadi lae marga aha?" Ikkon hubalos inna rohani amantai.

Si A:"Au marga SIPANGkar lae."

Si B:"Pantasan ma lae, Ai na termasuk do hamu marhahaanggi tu SIPANGgaron hape."

Gaji Tamba Balga

Adong sahalak anak boru parkarejo manumpang bus tadok ma goarna si Butet.Alani ponjotni bus i terpaksa ma jonjong deba, dohotma si Butet jonjong, kebetulan ibana mamudi i sahalak ama-ama.Cari kesempatan amantai sai di pangososhon pusaka nai tu Ihurni si Butet.

"Sahali nai di osos ho barang mi ikkon menjerit au" inna sibutet mangancam amantai.

"Hepeng doi na dais i, nabaru mambuat gaji do au nakkin." Marsidalian amantai.

"Oh... Gaji ateh, hebat doho ateh holan di pangososhon ho boi do tamba balga gajim."

Manuhor Jeruk

Disada tikki dionan porsea terjadima tawar-menawar antara partiga-tiga jeruk dohot panuhor.

"Sadia jeruk mon sakilo eda?"

"Sampulu ribu sakilo eda."

"Ai aha doi, nasa BILLOK do balgani jerukmu alai na argaan dibaen ho." Protes panuhor i.

"Molo pola BILLOK muna nasa jeruk on nga ikkon nasa balgani anduri matamuna dah." Dibalas partiga-tiga i.

Resolusi Tahun Baru

Sambil paimaon pargantian taon marnonang si Kojek dohot si Pejel.Dinamarnonang i di jalo si Kojek ma sigaretni si Pejel.

"Ai hurimpu paso on ni lae nama marisap taon baru on."

Dialusi si Kojek ma.

"Lagi proses maradi do au lae, on ma lagi tahap parjolo."

"Ahai tahap parjolo?"

"Nga hu paso be manuhor sigaret."

Baca Juga: Cerita Lucu Guru Dan Murid Bagian 2

Bahasa Inggris Air Terjun

Di sukkun sahalak dakdanak ma oppungna.

"Oppung... aha do bahasa inggrisni aek?"

"Water..."

"Jadi molo air terjun bahasa inggrisna aha?"

"Hahahahahaha..." mekkel hian oppungna mambege sukkun-sukkun ni pahompu nai.

"Ipe dang diboto ho.... makana kursus ho antong asa malo... bahasa inggrisni air terjun asa boto on mu WATERJUNTER."

Wifi Dohot Bluetooth

Dung sae mardalani huboan ma hallethu mangan siang, baru dope hu pahundul ee... nga hona jewer.

"Unang pola lirik borua na asing, najugulan ho dang boi manjaga mata."

"Kan ibana do parjolo manise au?" Nikku membela diri.

"Dang adong alasan!"

"Goarna pe borua ibaratna WiFi, kan wajar do au manangkup sinyal ni ibana? Lagian sona huboto passwordna dia boi au masuk."

"Ihh... disarupahon ho do borua dohot WiFi, jadi molo borua WiFi baoa aha ma?"

"Hera semacam Bluetooth ma.Ibana dang porlu password, sude leononna tanpa mengharap timbal balikna."

"Wajar maho hera Bluetooth dang boi ditinggal satongkin, pintor mangalului perangkat lain do ho."

"Lah... aha salahna?"

Rush Money

Berhubung dipartikkian naung salpu lagi marak isu RUSH MONEY nasogot lao ma au tu bank lao mambuat hepeng.Naeng hubuat 200 juta alai dang boi inna teller nai alasanna ikkon adong hian konfirmasi molo naeng mambuat nasai.

Hudok ma muse 50 juta tong ditolak on ma na tuson on ma na tusan nagodangan alasanni teller nai.Hupangidoma mambuat 5 juta pe taho alai tong dang boi.Ai holan 400 ribu do saldo ni rekening muna inna teller nai tuau.

Akhirna mula balging ma au, Namargabus do hape akka jolmai mandok RUSH MONEY boi mambuat hepeng sabalga-balgana sian bank.

Memaafkan

Berhubung kondisi negaranta on lagi mura terjadi konflik porlu dihita sifat memaafkan.Na dimulai sian diri sandiri.

Nakkin au tu ATM.. ATM pe mangido maaf,

"Maaf saldo Anda tidak mencukupi".

Au pe balik memaafkan.Hucoba menelpon.Operator pe mangido maaf,

"Maaf pulsa Anda tidak mencukupi."

Ias rohangku au pe memaafkan.

Mansai uli hian ngolu saling maaf-memaafkan.. 😊

Sukkun Ma Oppungmu

Hea husukkun Bapaku.

Au:"Pak kek mana rasanya punya anak yang baik? 😁"

Bapak:"Dang huboto, sukkun ma oppungmu."

Songoni ma piga-piga cerita di postingan sahali on.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :