Cerpen Bahasa Batak - Kado Parjolo

Horas! Cerpen ini merupakan cerpen yang saya tulis sebelumnya di blog ini, tapi kali ini saya buat dalam bahasa batak.

Kado Parjolo

Holong..., ima didok jolma goarna.Saleleng on sai hurimpu do holan deba jolma na mangkilalahon holong.Ala ni holong huboto ma manggurathon haulion nai disinondang nibulan.

Opat agustus, roma tikki i murid baru tuparsikkolaanhu.Ima siboru nauli na pindah sian hutana, Goarna Vindy.Dimulanai dang pola parduli au di harorona, akka jolma na marmasalah do na olo pindah sikkola inna rohangku.

"Fri, adong murid baru." inna si Bryan maniop sambil tanggurungku.
"Hahah... Sasa ma lae, Nga cocok diho i, paling akka na marmasalah doi." Nikku sambil mambukka bungkus ni gula-gula.

Biasa do molo marsikola sai atar pajago-jagohon jala teal mangkatai apalagi tu dongan kompak. "Alai bagak do huida lae," Inna si Bryan muse. "Lumayan ma."
"Lumayan bohado? Songoni bagakni itoani?" dibollang ibana ma au.
"Lumayan sotaralo habagakonna."
"Ah... Nagodangan hata-hatam lae." Inna ibana huhut naeng disiku au.

Marsogot nai Hundul ma au di jolo ni jabu marinternet di Hpku mangalului bahan tugas.Ari na mansai uli didongani alogo namangullus-ullus.Nasopanagamanku nunga adong sapasang mata na mamparate-atehon au, tompuma hubege soara na mansai lambok sian lambungku.

"Emh..., Si Heffri do goarmu kan ito?" Sanga tarsonggot au satongkin mangalului asal ni soara i, huidama hape sian murid baru i do.
"Olo, e... molo goarni ito Vindy do kan?" Tikki mamolus ibana sian lambungku di sikola sanga do tarjaha au papan goar ni ibana, sian i do asa huboto ibana margoar Vindy.
"Olo ito." senyum ma ibana, lam takkas tarida haulion na.

Marnonang ma hami sian mulai manghatai na penting sahat tu naso penting.Parjolo sahali pajumpang pe huhilala hera adong na asing di au, mansai sonang panghilalan molo huida rupana, mambegei pangkulingna tung mansai lambok di sipareon.Huboto ma sian ibana jabuna jonok tu jabuku, holan lima jabu do holangna.

Lam tamba ari hami pe lam kompak jot-jot do hami rampak marsiajar manang marmeam sipata dohot do donganku si Bryan ala sai olo ro marmeam tu jabuku.Lao tusikola pe sai rampak sa angkot do hami , holongki pe tu ibana nunga martumbur be, sian biji hian mulana saonari nunga marurat, tamba balga ganup hami pajumpang ro dina marbunga. Huida ibana tudosma tuboru ni raja, burju jala dang ginjang roha.Nangpe songoni mabiar dope au manghatai taringot holong tu ibana, ala huboto pasti godang baoa namarlomoni roha tu ibana husimpan doi buni di ate-atekon.

Dua puluh lima ari dung ro ibana, ulang tahun ma au.Nunga marjanji au dirohangku ikkon paboanku tu ibana holongni rohangku di ari partubukon, holong manang naso holong ibana tu au urusan parpudi mai napenting hupasahat na ponjot dirohangkon.

Dimanogot ni ari i, songon biasana dang adongna istimewa di ari ulang tahunku.Holan hata selamat ulang tahun dohot tangiang do dapothu sian natua-tuaku, tambana sabiji tolor ni manuk na dirobus ma gantini kue tart.

"Selamat ulang tahun dah Heffri, sai ganjang ma umurmu jala lam pistar dapotma na niluluan jumpang nijalahanmu" inna ibana tikki naeng borhat hami tu sikola.
"Hemma hutu..." nikku margait.Gabe mekkel ma hami.
"Vin, Annon bodari eta mardalani? Sekalian naeng mangido kado au tuho boi do kan?"
"Eta, boi, kado aha? unang pa argahu."
"Annon bodari ma hupaboa, jam 7."

Borngin i bulan mansai torang dohot bintang sai mangirdopi, huboan ma ibana mardalani tu topi ni tao holan soara ni aek do tarbegei dohot sipata soara ni hirik di asarna.
"Vin, pangidoanku homa kado ulang tahunku." Sonari nga hupatolhas be sude, holan paimahon alus sian ibana ma au.
"Au?" inna Ibana pura-pura dang mangantusi. "Hmm... Olo doho?".
"Dang boi mada..." sanga sip au mambegei. "Dang boi be hujua hihi..." inna ibana muse, hu haol ibana ala las ni rohangku, ibana pe manghaol au gabe marsihaolan ma hami.

"Vin, Diboto hodo, ho ma kado parjoloku." huhusiphon tu pinggolna.
"Ah.. dang mungkin." inna ibana songon naso porsea.
"Olo, hasian.Dang hea dope au dapot kado ulang tahun."
"Asi niroha i mangida ho hasian." digotil ibana ma gontingku sambil senyum manja.Marsi berengan ma hami satongkin sahera na adong naeng si dohonon sambil hu pasisi obuk na mangholipi haulion ni rupana.
"Hahaha..." Dungi mekkel ma hami ala las ni roha.

Heffri Hutapea Hanya takutlah akan TUHAN dan setialah beribadah kepada-Nya dengan segenap hatimu, sebab ketahuilah, betapa besarnya hal-hal yang dilakukan-Nya di antara kamu.

Share :